تغيير

بتتغير كتير الاشيا مع الوقت، وشي طبيعي انه تتغير.. بتتغير الاسعار، الجو، الصحبة وطعمة الاشيا, العالم بيتغيروا حتى الاصحاب بيجي وقت ويمكن يتغيروا..  في اشيا بتبهت مع الوقت وفي اشيا بيقوى وهجا، الاهتمام بيقل وبيزيد، حسب الفتله. وفي اشيا بتتغير بطريقه حلوه، متل ما بيتغير لون الشمس بس تمرق علي تختك، متل ما العطر بتصير ريحتو احلى بس يكون على رقبتك. متل ما انا بكون حدا غير بس كون معك.. والقهوة طعمتا اطيب من فنجانك. حتى الغزل بتتغير طريقته مع الوقت، مش ملاحظة مثلاً انو عم بكتب بالدارج على غير عادة؟ ويمكن اعمل بلوغ جديد سميّه: وقفت هون وخرطشت.. كل شي جايز، معك انتي كل شي بيصير.

كتير غريبه صايرة الاشيا بيناتنا اخر فترة، تغيرتي كتير وانا  تغيرت كمان..  فاتت اشيا وناس بيناتنا وتعقدت الامور مع انه اللي كان حلو بيناتنا البساطة والطريقة الي بنتعامل فيها مع الاشيا، كتير بحب هالشي بيناتنا، ليه صارت كتير صعبة انه نبسّط الاشيا؟ وليه صايرة تتعقد الاشيا بسهوله؟

ما بعرف ليه عم بكتب هيك ولوين بدي اوصل.. اصلاً  انا كنت ناوي اكتب شي صغير من هودي الخواطر اللي بكتبن كل فترة.. بس طلع معي هيك.. على فكرة انا عم فكر بصوت عالي ومكتوب.. هلأ بتصور انك اخدتي فكرة كيف بفكر وشو بقول بس احكي مع حالي.

قد ما تغيرت الاشياء من حوالينا وقد ما انتي تغيرتي وانا تغيرت.. انتي مش رح تتغيري جواتي، رح تضلك انتي انتي، ورح ضل شوفك متل ما شفتك اول مرة وضحكتيلي.. بتتذكري؟

5 thoughts on “تغيير

  1. الفصول بتتغير لسبب و بترجع كل مرة من أول و جديد، يمكن التغيير ضروري لنعرف شو الاشيا اللي بتضل و شو الاشيا اللي بتضيع مع الوقت…. أكيد الصداقة الحقيقية ما بتروح، و أكيد الذكريات ما بتتغير… هو الزمن اللي بيتغير حتى ننفض عنا وراق الخريف و ننطر وراق جديدة بالربيع….. ضل خربش، حلو كتير

    Like

  2. Pingback: Tweets that mention تغيير « وقـفت هنا.. فكتبت -- Topsy.com

  3. هلق هيك بس تتعقد الأمور معك بتصير تنقط حلاوة و كلام بيهز الوجدان؟ على هيك، ضروري تتعقد القصص و تتشابك. ضروري جدا

    Like

  4. This post is so beautiful that I’m tempted to pray that things get even more complicated so I can enjoy more writings like this one.. Selfish, I know..

    May you get what you want and what would make you happy.. Thank you for such an amazing post.. God bless.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s